پنجاب یونیورسٹی کے زیراہتمام انٹرکالجیٹ مقابلوں میں حمایت اسلام لاء کالج نے فتوحات کے انبار لگادیئے۔مقابلوں میں لاء کالج کے طلباء و طالبات نے ہر ایک مقابلے میں ریکارڈ فتح حاصل کی اور شائقین و اساتذہ اور پنجاب یونیورسٹی انتظامیہ سے پزیرائی حاصل کی۔اول پوزیشن 
حاصل کرنے پر پنجاب یونیورسٹی کی طرف سےمیڈلز اور ٹرافیاں وصول کیں۔
حمایت اسلام لاء کالج نے رسہ کشی،ٹیبل ٹینس،بیڈمنٹن اور ٹینس کے مقابلوں میں پہلی پوزیشن حاصل کی اس کے علاوہ بوائز اور گرلز کے علیحدہ علیحدہ کشتی رانی کے مقابلوں میں بھی پہلی پوزیشن حاصل کی جب کہ ہینڈ بال کے مقابلے میں حریف ٹیم کو ٹف ٹائم دینے کے بعد دوسری پوزیشن حاصل کی۔ یاد رہے کہ انٹرکالجیٹ مقابلے صوبہ پنجاب کی سطح پر پنجاب کے تمام کالجز کے مابین ہوتے ہیں۔
طلبہ نے مقابلوں میں پہلی پوزیشن حاصل کرنے کا سہرا اپنے کوچ اور لاء کالج کے سپورٹس آفیسر سر جمیل احمد کو دیا جن کی انتھک محنت اور پیشہ وارانہ مہارت نے لاء کالج کو فتوحات کی دہلیز پارکروائی۔
